ՆՈՐՈՒԹՅՈՒՆՆԵՐ

RENAULT CAPTUR- Ը ՀԻՆԳ ԱՍՏՂ Է ՍՏԱՑԵԼ EURO NCAP-ԻՑ

13 Հունիս 2013

Euro NCAP-ի անկախ ծրագրի շրջանակներում իրականացրած պասիվ անվտանգության թեստի արդյունքում Renault Captur-ը ստացավ հինգ աստղ: Այս գնահատականը, որին Renault Captur-ը արժանացավ 2013թ. հունվար ամսից գործող նոր և արդեն ավելի խիստ պայմանների համաձայն, հերթական անգամ վկայում է անվտանգության հարցում Renault-ի առավելությունների մասին:

Ստանալով ընդհանուր արդյունքի 80.5% վարկանիշը՝ Renault Captur-ը դարձավ Renault մոդելային շարքի տասնհինգերրորդ ավտոմեքենան, որը Euro Ncap-ի պասիվ անվտանգության թեստի արդյունքում արժանացել է հինգ աստղ գնահատականին: Բացի այս գնահատականից հարկ է նշել, որ շնորհիվ արագ և հստակ արձագանքող շասսիների Renault Captur-ը ունի առավել դինամիկ բնութագիր և ճանապարհի վրա առավել հստակ կառավարելիություն:

Համակարգված աշխատանք՝ վարորդի ևուղևորներիանվտանգության ապահովման ուղղությամբ

Renault Captur-ը պարտավոր էր ունենալ նույն պասիվ անվտանգության աստիճանը, ինչ նոր Renaulտ Clio-ն, որի հետ նա ունի ընդհանուր հարթակ: Հաշվի առնելով ճանապարհներին տեղի ունեցող վթարների մասին ուսումնասիրությունները՝Renault-ի մասնագետները մշակել են վարորդի և ուղևորների անվտանգության ապահովման համար նոր տեխնոլոգիական լուծումներ: Անվտանգության ավելի բարձր մակարդակ ապահովելու նպատակով Renault Captur-ի համակարգը ստեղծված է այնպես, որ բոլոր անվտանգության տարրերը սկսում են աշխատել ավելիվաղ:

Չափահաս ուղևորներիևվար որդիպաշտպանությունը

«Ճակատային բախման» դեպքում Renault Captur-ը պաշտպանություն է նախատեսում բարձր արդյունավետություն ունեցող երկու անվտանգության բարձիկների, ինչպես նաև 400 ուժային միավոր ունեցող սահամանափակող անվտանգության ամրագոտիների հաշվին: Բացի այդ, ծնկների և սրունքների ավելի լավ պաշտպանության համար իրերի պահման խցիկ փոխարինած Easy Life արկղի մակարդակի վրա նախատեսված են «ընկրկման» հատվածներ:

Հետևամասի բոլոր նստարանները հագեցած են երեք կետում ամրացվող անվտանգության գոտիներով, իսկ կողքերից հարվածի զսպման և նվազեցման հավելյալ համակարգով: Հետաքրքիր լուծում է նախատեսնած նաև կողային բախման դեպքում: Renault Captur-ը արժանացել է հնարավոր 8-ից պատվավոր 7.9 միավորի: Որպեսզի կողային բախման կանխատեսումը և արձագանքը տեղի ունենան կրկնակի արագ, Renault Captur ավտոմեքենան համալրված է երկու ազդանշանային համակարգերը, որից մեկը տեղադրված է առջևի դռան մեջ, իսկ երկրորդը՝ միջին հատվածում վրա:Հատուկ ալգորիթմը համեմատում է տեղեկատվության մշակման ժամանակն ու բախման ուժը և աշխատացնում է նոր սերնդի անվտանգության բարձիկը՝ նախատեսված գլխի ու կրծքավանդակի պաշտպանության համար:

Շնորհիվ այս արդյունքների, ինչպես նաև սյան հետ և հետևից բախման թեստերի արդյունքների, Renault Captur-ը "չափահաս ուղևորների (ներառյալ վարորդի) պաշտպանություն” կատեգորիայում ստացել է հնարավոր 36-ից 32 միավոր, որը կոմպակտ սեգմենտի ավտոմեքենաների համար ամենալավ արդյունքներից մեկն է:

Երեխաների պաշտպանություն

Շնորհիվ կոնստրուկտիվ լուծումների և Isofix եռաստիճան համակարգի, որով համալրված են ինչպես ուղևորի առջևի նստատեղը, այնպես էլ հետևի կողային նստատեղերը, Renault Captur-ի երեխաների պաշտպատության համակարգը B սեգմենտում լավագույններից է, ինչն ապացուցում է չնայած գնահատականի խստացված պահանջներին հնարավոր 49 ից 39 միավորի գնահատական ստանալը:

Հետիոտների անվտանգությունը բարձր մակարդակի վրա է

Captur-ի առջևի դիզայնը նախագծված է այնպես, որպեսզի հետիոտնի հետ բախման դեպքում հնարավոր վնասները հասցվեն նվազագույնի: Բամպերը չունի դուրս եկած մասեր, իսկ դիմացի ապակու սովորաբար շատ կոշտ ներքևի մասում կոնստրուկտիվորեն ներդրված է բախումից ճկվելուհատկությունը, ինչը նվազեցնում է վնասվածքներ ստանալու հավանականությունը: Շարժիչի ծածկը բարձրացրած է՝ թափքի ու շարժիչի վերևիմասի միջև թողելով հաշվարկված դեֆորմացիայի գոտի: Հնարավոր 36-ից 22 հավաքած միավորը Renault Captur-ը դարձնում է այս սեգմենտում լավագույններից մեկը:

Անվտանգություն՝գեների… և տեխնիկայի մեջ

Renault Captur-ի ստանդարտ կոմպլեկտացիան ներառում է արագության կարգավորիչ/սահմանափակիչ, վիզուալ և ձայնային վերահսկման ցուցանիշներ, որոնք նախազգուշացնում են նստատեղերի չամրակապված անվտանգության գոտիների մասին, ինչպես նաև ESC կայունության էլեկտրոնային համակարգ: Արդյունքում ավտոմեքենան արժանացել է 7 միավորի՝ համապատասխանելով նոր խստացրած պահանջներին:

Խելամիտ և պատասխանատու մոտեցում

Renault-ն առաջնորդվում է ճանապարհներին տեղի ունեցող վթարների մասին ուսումնասիրություններով և անվտանգության մասին hոգ տանելով, ինչն ընկերությանը թույլ է տալիս առաջարկել երթևեկության իրական պայմաններին հարմարեցված պրոդուկտ և արդեն բազային կոմպլեկտացիա ունեցող ավտոմեքենաները համալրել լավագույն որակի սարքավորումներով: Նախընտրությունը տրվում է դժբախտ պատահարների ցանկացած վտանգի կանխարգելման, վարորդի սխալի ուղղման և բախման դեպքում ուղևորների պաշտպանման առավել արդյունավետ տեխնոլոգիաներին: Renault-ի ռազմավարությունն ունի գլոբալ բնույթ և չի սահմանափակվում սարքավորման մի տարրով կամ մի տիպի տեխնոլոգիայով: Վերջին տարիներին Renault-ն արժանացել է ավտոմեքենայի անվտանգության ոլորտում օրինակելի ընկերության կարգավիճակին, ինչի մասին հատկապես վկայում են լրատվամիջոցներից ստացած բարձր վարկանիշային ցուցանիշները:

Ակտիվ անվտանգության ոլորտում ավտոմեքենայի շասսիների որակը և կառավարման վերահսկման էլեկտրոնային համակարգը թույլ են տալիս հստակ կախատեսել արտակարգ իրավիճակները: Ստանդարտ կոմպլեկտացիայի մեջ մտնող ABS և ESC ֆունկցիաները ունեն գերարդյունավետություն, քանի որ կրիտիկական պահին սկսում են անմիջապես աշխատել և հնարավորություն են տալիս խուսափել կտրուկ հրումներից: Ակտիվ անվտանգության համակարգերի մեջ է մտնում նաև վթարային արգելակման դեպքում օգնության էլեկտրոնային համակարգը (AFU):

Ավտոմեքենայի էրգոնոմիկայի մեջ կատարված բարելավումները թույլ են տալիս լիովին կենտրոնանալ մեքենան վարելու վրա: Ավելի մեծ հարմարավետության համար բարելավվել է սարքավորումների արձագանքման հնարավորությունները, որոնց ցուցանիշները ստացել են ավելի ընկալելի գրաֆիկական տեսք: Renault Captur-ը համալրված է ավտոմեքենայի վարման մեջ օգնության ժամանակակից սարքավորումներով. նավիգացիոն համակարգ և ձայնային կառավարում, ինչպես նաև R-Link մուլտիմեդիա համակարգի հետ համատեղ մի շարք ֆունկցիաներ: Captur-ի բոլոր մոդելներում գործում է Bluetooth®, որի շնորհիվ հեռախոսազրույցները հնարավոր է վարել առանց ձեռքերը զբաղեցնելու:

RENAULT-Ի ՄՈԴԵԼՆԵՐԸ, ՈՐՈՆՔ ԱՐԺԱՆԱՑԵԼ ԵՆ EURO NCAP-Ի ՀԻՆԳ ԱՍՏՂԵՐԻՆ

Laguna II	5աստղ (2001 թ.)
VelSatis	5աստղ (2002 թ.)
Megane II	5աստղ (2002 թ.)
Espace IV	5աստղ (2003 թ.)
Scenic II	առաջինավտոմեքենան 5աստղայս սեգմենտում (2003 թ.)
Modus	առաջինավտոմեքենան 5աստղայս սեգմենտում(2004 թ.)
Megane Coupe Cabriolet	5աստղ (2004 թ.)
Clio III	5աստղ (2005 թ.)
Նոր Laguna	5աստղ (2008 թ.)
Koleos	5աստղ (2008 թ.)
Նոր Megane	5աստղ (2008 թ.), երբևէստացած վարկանիշներից լավագույնըբոլորսեգմենտներում
Նոր Scenic	5աստղ (ընդհանուրվարկանիշ2009 թ.)
Նոր Clio	5աստղ (ընդհանուրվարկանիշ2012 թ.)
ZOE	5աստղ (ընդհանուրվարկանիշ2013 թ.)
Captur	5աստղ (ընդհանուրվարկանիշ2013 թ.)

Մեկնաբանություններ

Հարգելի այցելուներ,տեղադրեք այստեղ ձեր կարծիքը նյութի վերաբերյալ` օգտագործելուվ Facebook-ի ձեր հաշիվը: Խնդրում ենք լինել կոռեկտ մեկնաբանություններ թողնելիս: Թեմային չվերաբերող մեկնաբանություններ, գովազդային բնույթի նյութեր, վիրավորանքներ եւ հայհոյանքներ տեղադրել արգելվում է: