Renault-ն առաջին անգամ պաշտոնապես հանդես կգա՝ որպես մարզական ակումբի գլխավոր հովանավոր: Ֆրանսիական ավտոարտադրողի ապրանքանշանը կզարդարի «Արցախ» ֆուտբոլային ակումբի խաղացողների մարզաշապիկները:

Օգոստոսի 1-ին նախկին «Միկա» մարզադաշտում տեղի ունեցավ նորաստեղծ «Արցախ» ֆուտբոլային ակումբի շնորհանդեսը, որին ներկա էին ԶԼՄ ներկայացուցիչներ, երկրպագուներ, թիմի հովանավորներն՝ այդ թվում  նաև թիմի գլխավոր գործընկեր «Մեգնա» ընկերությունը, որը հանդիսանում է աշխարհահռչակ Renault ապրանքանիշի պաշտոնական ներկայացուցիչը Հայաստանում: 

Միջոցառման սկզբում ներկայացվեցին ակումբի նախագահ Սևան Ասլանյանը, մարզչական շտաբը՝ գլխավոր մարզիչ Տիգրան Եսայանի գլխավորությամբ և, իհարկե, թիմի 22 ֆուտբոլիստները:

Այնուհետև կայացավ այն մարզահամազգեստի շնորհանդեսը, որով էլ «Արցախը» մուտք կգործի Հայաստանի Առաջին խմբի առաջնություն, իսկ գլխավոր մարզիչ Տիգրան Եսայանը լրագրողների հետ զրույցում առաջնության մեկնարկից անմիջապես առաջ խոսեց թիմի պատրաստվածությունից և նշեց, որ նրանց առջև առաջին տեղով Բարձրագույն խմբի առաջնություն դուրս գալու խնդիր է դրված: Դրա համար թիմը ունի համապատասխան կազմ և  բոլոր անհրաժեշտ ռեսուրսները՝ պայքարելու Գավաթի համար: Մարզիչը նշեց, որ «Արցախը» բալանսավորված ֆուտբոլ է դավանելու. պետք է և լավ հարձակվի, և լավ պաշտպանվի: Այն  տարբերվում է մյուս թիմերից իր անհատ ֆուտբոլիստներով  և նրանց գրագետ խաղով:

«Արցախը» կապ է ունենալու նաև Արցախի մարզադպրոցի հետ: Հիմա էլ թիմի ֆուտբոլիստներից 5-ը Արցախից են: Մինչ ակումբի նախագահը որոշում կկայացնի սեփական մարզադաշտ ունենալ-չունենալու վերաբերյալ, նորաստեղծ թիմի տնային հանդիպումներին երկրպագուները կարող են հետևել նախկին «Միկա» մարզադաշտում:

Այս հրաշալի նախագծի զարգացման գործից չէր կարող անմասն մնալ «Մեգնա» ընկերությունը: Հանդիսանալով հանրահայտ Renault մակնիշի ներկայացուցիչ՝  այն որդեգրել է «առողջ մարմնում առողջ ոգի» կարգախոսը, որը խթանում է սպորտի և հատկապես ֆուտբոլի զարգացումը Հայաստանում: Ընկերությունում վստահ են, որ նորաստեղծ թիմը հասնելու է բազմաթիվ հաջողությունների և իր ուրույն ձեռագիրն է թողնելու հայկական ֆուտբոլի