Nissan LEAF-ի համար կառաջարկվի նորագույն արգելակման համակարգ՝ "e-pedal”:

ՆԻՍՍԱՆ ընկերությունը ներկայացրել է ռեկուպերատիվ արգելակման առավելագույն առաջադեմ համակարգի կիրառումը նոր LEAF մոդելում: 

Ռեկուպերատիվ արգելակումն էլեկտրական ավտոմեքենաների առավել հետաքրքիր և յուրահատուկ առանձնահատկություններից մեկն է: Չնայած բոլոր էլեկտրական մեքենաներն էլ ներկայումս համալրվում են նմանատիպ համակարգերով, դրանց աշխատանքի կարգավորումները յուրաքանչյուր փոխադրամիջոցի համար տարբեր են: 

Սեպտեմբերին սպասվող համաշխարհային պրեմիերային ընդառաջ Nissan-ը բացահայտում է իր առաջատար էլեկտրական ավտոմեքենաների առանձնահատկությունները: Այս անգամ հերթը հասավ "e-pedal” անվանումն ստացած արգելակման էլեկտրոնային ոտնակին: 

Հատուկ մշակված տեխնոլոգիան թույլ է տալիս ընդամենը մեկ ոտնակն օգտագործել արագացման, արգելակման և ամբողջովին կանգ առնելու համար: Այս ոտնակն առաջինն է սերիական ավտոմեքենաների մեջ, որը թույլ է տալիս կանգնել նույնիսկ զառիվայր մակերևույթների վրա և անհրաժեշտության դեպքում ակնթարթորեն սկսել ընթացքը: 

Թեև գաղափարն ինքնին հեղափոխկան չէ, սակայն Նիսսան-ն առաջինն է, որ կիրառում է հատուկ փոխարկման տեխնոլոգիա: Ստորև բերված տեսանյութը թույլ կտա ավելի պարզ հասկանալ համակարգի աշխատանքը: