ՆՈՐՈՒԹՅՈՒՆՆԵՐ
JAGUAR E-PACE-ը գրանցվել է Գինեսի ռեկորդների գրքում
13 Հուլիս 2017
Jaguar ընկերությունը պաշտոնապես ներկայացրեց վաղուց սպասված E-PACE մոդելը, որի մասին մենք արդեն պատմել ենք: Այդ կապակցությամբ համացանցում հայտնվեց զարմանալի հոլովակ, որը պատկերում է նոր մոդելի ապշեցուցիչ թռիչքը՝ 15.3 մետր երկարությամբ և 270 աստիճան շրջապտույտով:
Այս թռիչքը գրանցվեց Գինեսի ռեկորդների գրքում (GUINNESS WORLD RECORDS™): Նոր ամենագնացի ճկունության, հստակ կառավարելիության և կատարելության այս ցուցադրումը քսանհինգ ամիս տևած արտադրական պրոցեսի վերջին քայլն էր: Նոր մոդելի վրա աշխատել են Jaguar ընկերության չորս մայրցամաքում գտնվող ստորաբաժանումները:
Տեսանյութում ներկայացված սխրանքը ևս մեկ ապացույց է, որ նոր Jaguar E-PACE-ը ամբողջովին ժառանգել է անգլիական ընկերության "Կատարելության արվեստ" ("Art of Performance") փիլիսոփայության դրույթները:
Ավելի մանրամասն այս մոդելին կանդրադառնանք, երբ այն հայտնվի Jaguar Land Rover ապրանքանշանի հայկական ներկայացուցչությունում:
Հարգելի այցելուներ,տեղադրեք այստեղ ձեր կարծիքը նյութի վերաբերյալ` օգտագործելուվ Facebook-ի ձեր հաշիվը: Խնդրում ենք լինել կոռեկտ մեկնաբանություններ թողնելիս: Թեմային չվերաբերող մեկնաբանություններ, գովազդային բնույթի նյութեր, վիրավորանքներ եւ հայհոյանքներ տեղադրել արգելվում է: