ՆԻՍՍԱՆ ընկերությունը՝ ձգտելով ապահովել արտանետումների, ինչպես նաև ճանապարհային պատահարների հետևանքով գրանցվող մահացու դեպքերի զրոյական մակարդակ, առաջին անգամ ցուցադրեց հաջորդ սերնդի ինքակառավարվող ավտոմեքենայի նախատիպը իրական երթևեկության պայմաններում: Դա տեղի ունեցավ Լոնդոնում: Մինչ այդ Նիսսանի ինքնակառավարման տեխնոլոգաիաները փորձարկվել էին Ճապոնիայի և Միացյալ Նահանգների հանրային ճանապարհներին:

Լրագրողները՝ ուղևորների կարգավիճակով, հնարավորթություն ստացան տեսնել, թե ինչպես են աշխատում մի շարք նորագույն տեխնոլոգիաներ, այդ թվում կարճ ալիքներով աշխատող ռադարը, լազերային սքաներները, նոր սերնդի տեսախցիկները, գերարագ համակարգչային չիփերը և հատուկ նախագծված HMI (Մարդ-Մեքենա ինտերֆեյսը), որը թույլ է տալիս իրականացնել նորագույն համակարգերի կառավարումը: Այս ամենի շնորհիվ Նիսսան ավտոմեքենաները կկարողանան վստահորեն ինքնուրույն տեղաշարժվել թե մայրուղիներով, թե քաղաքային փողոցներով, եթե ուղևորության վերջանկետն արդեն իսկ մուտքագրված է նավիգացիոն համակարգի մեջ: 

Ստորև կարող եք տեսնել այդ փորձարկման լուսանկարներն ու տեսանյութը: