Twingo –ն այս տարի նշում է իր 20-ամյակը: Այն անվանվել է «Մեքենա, որը գոյություն չի ունեցել»:Հայտնվելով շուկայում՝ այն անմիջապես գրավեց բոլորի ուշադրությունը՝ շնորհիվ իր համարձակ դիզայնի, նորարար կոնցեպտի և կայտառ բնավորության: Վաճառվել է TWINGO-ի ավելի քան 2 միլիոն օրինակ:
Ահա և ավարվեց
Ֆորմուլա 1 առաջնության հերթական մրցաշրջանը: Տասնինը մրցափուլերի ընթացքում մենք հետևողականորեն
պատմում էինք ձեզ տարբեր մրցուղիներում թեժ պայքարի, թռիչքների ու վայրէջքների, հաղթանակների
և պարտությունների մասին: Այս անգամ ևս ես պատրաստվում էի ներկայացնել որակավորման
և զուտ մրցավազքի վերաբերյալ ավանդական հաշվետվությունը, սակայն վերջին պահին որոշեցի
պարզապես ամփոփել մրցաշրջանն ու դրա արդյունքները:
Այն բանից հետո, երբ Սեբաստյան Ֆեթելը նվաճեց աշխարհի չեմպիոնի կոչումը, իսկ Red Bull-ը տիրացավ Կոնստրուկտորների գավաթին, առաջնության մնացած փուլերը ստացան որոշակի այլ իմաստ: Բոլորի համար՝ բացառությամբ Սեբի, ով տոնեց հերթական հաղթանակն՝ ութերորդն անընդմեջ և տասներկուերորդը ընթացիկ մրցաշրջանում:
Աբու-Դաբի գալով արդեն պատմության մեջ աշխարհի ամենաերիտասարդ քառակի չեմպիոնի կարգավիճակով՝ Սեբասթիան Ֆեթելն անցկացրեց հերթական ցուցադրական Գրան-Պրին՝ կրկին հաղթանակի ոչ մի հնարավորորթյուն չտալով մրցակիցներին: Թվում է՝ գերմանացին որոշել է խփել բոլոր հնարավոր ռեկորդները քանի դեռ այդ թույլ են տալիս մեքենայի հնարավորությունները, քանի որ դեռևս պարզ չի՝ ինչ մարզավիճակ կունենա Red Bull-ը 2014թ. ռեգլամենտի փոփոխությունից հետո:
Հնդկաստանում «Ֆորմուլա 1» առաջնության արդյունքներով Infiniti Red Bull Racing և Renault Sport F1 թիմերը չորրորդ անգամ արժանացան Կոնստրուկտորների գավաթին: 2013 թվականի արդյունքներով այս հաջողակ համագործակցությունն արդեն բերել է 10 հաղթանակ, 8 առաջագծային դիրք, 10 վազքուղու շրջանի ամենաարագ հաղթահարման տիտղոս և 470 միավոր:
