Չինական Neta մակնիշի նորագույն մոդելը՝ Neta S-ն, արդեն Հայաստանում է: Սպորտային խառնվածքով մարդկանց համար նախատեսված ամբողջովին էլեկտրական ավտոմեքենայի շնորհանդեսը տեղի ունեցավ հունիսի 2-ին՝ Երևանի Մարզահամերգային համալիրում անցկացված Leasing Expo մասնագիտացված ցուցահանդեսի շրջանակներում։
Բրիտանական Jaguar ընկերությունը թողարկել է նոր E-Type մեքենաներ՝ ի նշանավորումն անցյալի փառահեղ հաջողությունների։ Project ZP անվանումը ստացած նախագիծը բաղկացած է յոթ զույգ կոպեներից և կաբրիոլետներից, որոնք նվիրված են 1961 թվականի մրցարշավներում Գրեմ Հիլի և Ռոյ Սալվադորիի տոնած հաղթանակներին։ Ավելի ուշ կթողարկվի նաև ժամանակակից Jaguar F-Type-ը՝ արդեն հիմնված E-Type Project ZP շարքի վրա։
Շվեդական Volvo ընկերությունը ներկայացրել է իր մոդելային շարքի ամենափոքր քրոսովերը։ Էլեկտրական EX30-ը Volvo-ի առավել բնապահպանական մոդելն է։ Դրա ածխածնային հետքը չի գերազանցում 30 տոննա CO₂-ը՝ հաշվի առնելով արտադրությունն ու 200 000 կմ վզաքով կեսնական ցիկլը։ Նորույթը շուկա կհանվի հաջորդ տարի և կառաջարկվի կամ բաժանարոդագրմամբ՝ ամսական 599 եվրո գումարով, կամ ամբողջական արժեքով՝ սկսած 36 հազար եվրոյից։
Ճապոնական Lexus մակնիշը կհամալրվի կոմպակտ և համեմատաբար մատչելի նոր քրոսովերով։ Lexus LBX-ի արտադրությունը կսկսվի 2023 թվականի վերջին, իսկ առաջին օրինակները Եվրոպայում և Ճապոնիայում գնորդներին կմատակարարվեն 2024 թվականի առաջին ամիսներին։ Նախնական տվյալներով բազային տարբերակի արժեքը կսկսվի 27 հազար եվրոյից, ինչը նշանակում է, որ մեքենան առնվազն քսան տոկոսով ավելի մատչելի կլինի, քան Lexus UX-ը։
Իտալական Maserati ընկերությունը ներկայացրել է GranTurismo կուպեի երկու չափազանց անսովոր տարբերակ։ Ավտոմեքենաների անհատականացման՝ Fuoriserie անվանումը կրող գործարանային ծրագրի շրջանակներում նախապատարստվել են մոդելի նոր ընթերցումներ։ Maserati GranTurismo Prisma-ն տուրք է մատուցում նախորդ տարիների պաշտամունքային մոդելներին, իսկ Maserati GranTurismo Luce-ն արտացոլում է ընկերության դիզայներների պատկերացումները մակնիշի ապագայի վերաբերյալ։ Երկու մեքենաներն էլ պատրաստվել են եզակի օրինակով։
